Две машки бебиња се родени после полноќ на Клиниката за гинекологија и акушерство во Скопје. Во два часот по полноќ родено е и едно женско бебе.
Првородените бебиња, поради протоколите за коронавирусот, денеска ги посети само министерот за здравство Венко Филипче.
Град Скопје им додели штедна книшка во износ од 20.000 денари, на првородените бебиња во 2021 година, а Министерството за труд и социјална политика златник. Од Министерството за здравство информираат дека подароци ќе има и за женското бебе.
Првороденото бебе е второ дете на 35-годишната мајка Бојана Миланова. Тешко е 3.650 грама и долго 51 сантиметар.
Само неколку секунди по првото бебе, родено е второто машко бебе тешко 3.350 грама и долго 51 сантиметар. Мајка е 33-годишната Габриела Ѓошевска.