Што, кој и колку сработел, каде се слабостите а кои идните задачи, министрите и директорите на испит нај премиерот Никола Груевски.
Министрите треба кондиционо добро да се подготват, бидејќи седницата се предвидува да трае повеќе од 10 часа, со оглед на стотината точки кои не се на дневен ред. Не е исклучено, седницата да трае и до раните утрински часови, а потоа, вообичаено , министрите да треба редовно, понеделнички да си дојдат на работа.
За тоа што се случува на маратонска владина седница, јавноста ќе може изворно да се информира. Јавниот сервис, МРТ ќе врши директен пренос на Собранискиот канал. Иако опозицијата реагираше, дека овој канал е наменет за активностите на Законодавниот дом, сепак веќе е пракса отворените владини седници да одат на овој канал.
Ова од Владата го објаснуваат со желбата за транспарентност, бидејќи велат, граѓаните имаат право да знаат што и како работи Владата.
Седницата и директниот пренос на Собранискиот канал започнуваат во 13 часот и 30 минути.