Речиси половина влада денеска беше во Струга и струшко. Во средините во кои живеат Албанци денеска беа повеќе министри од редовите на владеачката партија ВМРО-ДПМНЕ.
Во Велешта денеска беше министерот за земјоделие, Љупчо Димовски. Во селото Радолишта беа министрите за странски инвестиции Веле Самак и министерот за надворешни работи Никола Поповски.
Поранешната пратеничка од ВМРО- ДПМНЕ, Караџова беше исто така во селото Радолишта.
Министерот за земјоделие Димовски дури бил и набљудувач во селото Велешта на што реагирале и странските амбасади. Амбасадорот на Албанија во Македонија попладнево исто така беше во обикола на Струга и струшко во неколку избирачки места, а имаше средба и со претседателот на ОИК во Струга Џенгис Хани. За аланскиот амбасадор несфатливо е министри да бидат набљудувачи.
„Јас ја изразувам мојата загриженост за министерот Димовски бидејки не е дозволено да седи таму каде што се и другите набљудувачи“ ја пренесуваат изјавата на Чејку албанските медиуми во Македонија.
Чејку се сретна и со министерот за надворешни работи Поповски. Исто така обиколка на Струга направи и амбасадорот на Косово во Македонија