Со донација на прехранбени артикли Министерството за внатрешни работи на Република Македонија ја поддржа акцијата на Амбасадата на САД за дарување на крв и храна, што се одржа денеска. Во име на министерството донацијата ја однесе министерот за внатрешни работи, г. Оливер Спасовски, а делегацијата од МВР учествуваше и во акцијата за дарување крв.
Акцијата беше организирана во соработка со Црвениот крст на град Скопје и Институтот за трансфузиологија, а се организира како сеќавање на жртвите и почит кон сите оние што помогнаа во справувањето со последиците од нападите на 11 септември 2001 година.
Овој настан има за цел да помогне за дополнување на резервите од крв на Црвениот крст и ќе обезбеди храна и други потребни залихи за загрозени семејства за претстојната зима.