Министерството за одбрана ниту демантира ниту потврдува дека авионите „Сухои“ ќе и ги донира на Украина

Од:

Министерството за одбрана ниту демантира, ниту потврдува дека четирите воени авиони „СУ-25“ кои Македонија ги купи од Украина за време на воениот конфликт во 2001 година ќе и бидат донирани токму на Украина која во моментов е во војна со Русија.

dobivaj vesti na viber

На прашањето дали е точно дека четирите стари авиони кои ја чинеа Македонија четири милиони евра ќе и бидат донирани на Украина, од Министерството за одбрана кусо одговорија:

„Точните детали за сите три одлуки, нивната содржина и објаснување ќе бидат декласифицирани и транспарентно објавени. Со досега донесените одлуки не се нарушува борбената готовност на нашата армија“.

Од министерството за одбрана не одговорија ниту во каква состојба се воздухопловите и дали воопшто се функционални.

За време на војната во 2001 година Македонија купи четири борбени ловци „сухој СУ-25“ од Киев кои се наменети за поддршка на пешадиските единици. За време на конфликтот имаа неколку борбени летови поддржувајќи ги безбедносните сили кои делуваа од копно.

Претходно министерството ја потврди информацијата дека ќе се донираат старите тенкови откако на социјалните мрежи се појавија снимки на кои се гледа транспорт на тенкови.

„ Во наредниот период ќе се изврши трансформација односно расформирање на тенковскиот баталјон и ќе се пристапи кон воспоставување на модерни и современи противоклопни способности и капацитети во Армијата, а реализацијата на овие планови веќе е во тек. Исто така, согласно Долгорочниот план за развој на одбранбените способности 2019-2028 г. наведено е дека нема да се инвестираат дополнителни средства во модернизација и опремување во тенковски капацитети. Имајќи ја во предвид ваквата фактичка состојба, како и побарувањата од страна на Министерството за одбрана на Украина, Владата донесе одлука да ѝ донира на Украина одредена количина од овие капацитети кои им се неопходни за нивни потреби“, соопштија од МО.

Портпаролката на руското МНР Марија Захарова вчера рече дека Русија смета дека е голема грешка одлуката на властите на Македонија да ѝ донираат тенкови на Украина, а нашето МНР истакна дека тоа е самостојна суверена одлука на земја членка на НАТО.

Би можело да ве интересира

Амнести интернешнал: Украинската армија ги прекршува меѓународните правни норми

Русија отвора бесцарински продавници во кои дипломатите ќе можат да купуваат производи од Запад

А1он

Гроси: Ако немам пристап до нуклеарката во Запорожје, не можам да одредам степен на опасност

А1он

Украина ги повлекува своите војници од КФОР

А1он

Првиот брод кој превезува житарици од Украина, по извршениот увид продолжува да плови кон Либан

А1он

Заеднички инспекциски тим на првиот брод со жито од Украина

А1он