Министерот за правда Маричиќ ќе ја претстaвува Владата на неделните координативни средби во Собранието

Од:

Владата денеска на седница донела одлука министерот за правда Бојан Маричиќ да учествува на неделните координативни средби во Собранието на Република Северна Македонија како претставник од Владата, наместо Љупчо Николовски, вицепремиер за борба против корупцијата и криминал, одржлив развој и човечки ресурси.

-На денешната седница, Владата заклучи да се измени Заклучокот донесен на Првата седница на Владата, одржана на 1 септември 2020 година, со кој Љупчо Николовски е определен за претставник на Владата од редот на министрите, којшто ќе учествува на неделните координативни средби во Собранието на Република Северна Македонија и го определи Бојан Маричиќ, министер за правда, за претставник на Владата од редот на министрите, којшто ќе учествува на неделните координативни средби во Собранието на Република Северна Македонија, соопшти вечерва владината прес-служба.

Исто така, Владата донела и заклучок со кој министерот за надворешни работи Бујар Османи бил одреден за потпишување на Спогодбата за партнерство, трговија и соработка меѓу Република Северна Македонија и Обединетото Кралство на Велика Британија и Северна Ирска, како и придружните ноти на имплементација на Спогодбата во контекст на протоколот за Ирска/Северна Ирска меѓу ЕУ и ОК.

Владата на денешната седница, во делокругот на кадровски прашања го именувала Зоран Петров за Национален координатор за имплементација на национална платформа за намалување на ризици од несреќи и катастрофи на Република Северна Македонија.

Би можело да ве интересира

Владата го усвои зголемувањето на еколошката такса, предлогот сега оди во Собранието

Жарко Настоски

Владата го усвои намалувањето на ДДВ за струјата, ќе се зголемува еднаш годишно и во 2023 пак ќе биде 18%

Жарко Настоски

Не се разговара за промена на знамето, грбот или химната, велат од Владата по изјавата на Ахмети

Жарко Настоски

И вечерва нема полициски час, владината одлука стапува во сила на полноќ

Жарко Настоски

Владата го укина полицискиот час, од утре дозволени свадби со повеќе гости и настани до 1.000 луѓе

Жарко Настоски

Владата почна да им ги дели на општините парите од несудениот штипски аеродром

Жарко Настоски