Министерот за одбрана Зоран Јолевски и началникот на Генералштабот на АРМ генерал-потполковник Горанчо Котески денеска имаа средба со претставниците на Здружението на фамилии на загинатите припадници на вооружените сили на Македонија – херои на Македонија.
На средбата Јолевски беше информиран за активностите на Здружението при што беше потврдено дека соработката и поддршката ќе продолжи.
Претседателот на Здружението Владо Стојановски се заблагодари за средбата и истакна дека меѓусебните односи и контакти со Министерството и со Армијата на Република Македонија се одлични и дека треба да се работи во насока односите и меѓусебното почитување да се негуваат во континуитет.