Министерот за одбрана Зоран Јолевски денеска и утре ќе престојува во Рим, Италија, каде ќе учествува и ќе се обрати на конференцијата „Западен Балкан – иднината на интеграцијата“.
Конференцијата ја организира Фондацијата на одбранбениот колеџ на НАТО во соработка со Италијанското претседателство со Советот на ЕУ и Балканскиот фонд за демократија.
Во рамки на престојот во Италија, министерот Јолевски ќе оствари и одвоени работни средби, со министерката за одбрана на Италија, Роберта Пиноти и со претседателот на Комисијата за одбрана при Сенатот на Италија, Никола Латоре.