Министерот за здравство, Венко Филипче, денеска ја посети кумановската болница и оствари средба со менаџерскиот тим на болницата. На средбата се разговараше за проблемите со кои се соочува болницата, за можностите за нивно надминување, се со цел, подобрување на условите и за пациентите и вработените во општата болница.
Директорката на болницата, Снежана Захариева информираше дека со министерот посетиле неколку одделенија во установата.
– Разговаравме за можноста да се преселат дел од амбулантите во новиот ургентен центар. Беше најавено дека Министерството ќе набави нов мамограф за болницата и дека ќе се заложи за нејзина гасификација, изјави Захариева.
На средбата соговорниците се договориле дека во иднина ќе се посвети внимание за набавка на нова апаратура на неколку одделенија. Кумановската болница го покрива североисточниот регион со шест општини со приближно 200.000 пациенти. Во оваа болница, поради недостиг на хоспитален дел и оперативни програми во останатите градови се лекуваат пацинетите од Куманово, Картово, Крива Паланка, Ранковце, Липково и Старо Нагоричане.