На покана на бугарскиот министер за регионален развој и јавни работи Николај Нанков, денеска министерот за локална самоуправа Сухејл Фазлиу ќе присуствува на одбележувањето на Европскиот ден на соработка во Петрич, Бугарија.
Настанот, како што соопшти Министерството за локална самоуправа, е организиран во рамки на Програмата за регионална соработка на Европската унија, ИНТЕРРЕГ – прекугранична соработка меѓу Република Македонија и Република Бугарија.
На манифестацијата ќе присуствуваат и градоначалниците на Петрич и на Струмица, општини кои што во рамки на Програмата за прекугранична соработка имаат реализирано повеќе заеднички проекти, финансирани од ИПА инструментот на Европската унија.