Министерот Чулев во Љубљана на средба со словенечкиот министер Поклукар

Од:

Министерот за внатрешни работи Наќе Чулев денеска во Љубљана имаше средба со својот домаќин, министерот за внатрешни работи на Република Словенија Боштјан Поклукар.

Како што соопшти МВР, на средбата покрај заедничката констатација за досега извонредните билатерални односи меѓу двете земји, но и меѓу двете институции, министерот Поклукар ја потврди силната партнерска поддршка од страна на Република Словенија за нашиот евроинтегративен пат.

– Во таа насока беше потенцирана и отвореноста на словенечкото министерство за внатрешни работи за натамошна и интензивна соработка со нашето МВР, особено во поглед на остварување на приоритетите во Поглавјето 24, од сферата на правда, безбедност и слобода, како едно од клучните во таа евроинтегративна агенда, се вели во соопштението од МВР.

На средбата, како што се наведува, двајцата министри разговараа и за заедничката соработка во борбата против организираниот криминал, корупцијата и тероризмот, пред се во во делот на финансиските истраги за што заеднички беше констатирано дека тоа партнерство не само што треба да продолжи туку и да се продлабочи.

Министерот Чулев изразил благодарност кон МВР на Словенија и на Владата на Словенија и за поддршката во справувањето со миграциската криза. Чулев ја потенцирал високата професионалност на словенечките полициски службеници кои учествуваат во заедничките операции на нашата јужна граница.

Би можело да ве интересира

МВР апелира до родителите и јавноста: Препознајте ја опасноста од групата „764“ – заштитете ги децата

(ФОТО) Левица: Полициско насилство врз малолетници во Охрид – Tошковски молчи

А1он

Две верзии за целта на планираниот атентат во Грција: Ирански дисидент или израелски државјанин

Горан Наумовски

(ФОТО) Ја давеше, ја газеше по нозете, ја влечеше по асфалт и ја остави на сред улица – уапсен е син на инспектор во УЈП

А1он

МВР во 2026 сè уште работи со тефтери, Тошковски најавува дигитализација за три до четири месеци

За пет часа полицијата напиша 221 казна за пешаците во Македонија

А1он