Претставници на Германската банка за развој KfW денеска на средба го запознале министерот за образование и наука Арбер Адеми со проектот „Регионален фонд“ (Regional Challenge Fund), кој на нивна иницијатива би се спроведувал во следниот период во земјите од Западен Балкан, вклучувајќи ја и Македонија.
– Овој фонд ќе има цел да поддржи мерки за поврзување на стручното образование и обука и бизнис-заедницата. Крајната цел е да придонесе во зголемување на стапката на вработеност, преку поддршка на учениците во стекнување вештини и способности потребни и побарувани на пазарот на трудот, соопшти Министерството за образование и наука.
Иницијативата е во почетна фаза и во моментов се работи на конципирање на планот за нејзиното спроведување.