Моменталните активности поврзани со дијаспората, како и потребата од градење на Национална стратегија за соработка со дијаспората, која треба да претставува патоказ за плодна соработка со дијаспората биле тема на разговор на средбата меѓу министерот задолжен за дијаспора Едмонд Адеми со амбасадорот на Република Грција во Република Македонија, Димитрис Јанакакис.
Од владината прес-служба информираат дека дополнително се разговарало и за потенцијална размена на искуства, мислења и позитивни практики поврзани со прашањето на дијаспората помеѓу Република Грција и Република Македонија.
На средбата, уште еднаш била потврдена желбата за добри односи и унапредување на мерките за градење на доверба помеѓу двете земји.