На покана од српскиот министер за одбрана Александар Вулин, министерката за одбрана Радмила Шекеринска присуствува на воената парада, по повод одбележувањето на Денот на ослободувањето на Белград.
Како што соопшти Министерството за одбрана, на свеченоста „Слобода 2017“ која се одржа на аеродромот Батајница, биле прикажани дел од оперативните способности на единиците на српската војска, како и дел од новата опрема.
Присуството на министерката за одбрана Шекеринска на одбележувањето на Денот на ослободувањето на Белград, се додава во соопштението, e потврда за определбата на Владата на Република Македонија за унапредување на добрососедските односи.