Министерката за внатрешни работи Гордана Јанкулоска имала сообраќајна несреќа денеска на улицата „Првомајска“ во Скопје, но не е повредена и веднаш продолжила со работните обврски.
Во сообраќајната незгода нема повредени, а причинета била само материјална штета. На лице место веднаш бил извршен увид.
Од МВР информираат дека сообраќајната несреќа се случила во 11:30 часот кај маркетот Супер Тинекс, а во несреќата учествувало службеното возило на министерката.
Возилото на МВР „Фолксваген Пасат“ се судрило со автомобил „Фиат Добло“. Со автомобилот на МВР управувал возачот, додека минстерката била на патничко седиште.
