Синдикатот на професионалните војници обвинува дека војската едвај има основни услови за функционирање.
Го потсетија министерот Џафери дека пред еден месц побарале средба со него, барање на кое тој се уште не одговорил на нивниот повик за разговор иако е најодговорен функционер за позицијата на војниците кога тие немаат ниту соодветен оброк, ниту пак униформи.
– Апелираме да не се доведуваат во опaсност животите на нашите колеги, како и на другите учесници во сообраќајот и да не се користат неисправни возила. Исто така, војниците имаат проблем и со храната, за 24 часа дежурство добиваат како храна единствено 3 конзерви риба. Некои наши колеги во Синдикатот се имаат пожалено дека во некои касарни нема струја, а исто така имаат и проблеми со неисправна вода за пиење – рече Веле Крбалески од армискиот синдикат.