Советникот на Зоран Заев, Љупчо Зафировски нема дипломатски врски со кабинетот на Макрон, па затоа премиерот ја крие неговата биографија, ниту сака да го покаже договорот за неговиот ангажман, рече пратеникот Антонијо Милошоски и додаде дека не ги добил информациите кои ги барал како пратеничко прашање.
„Се уште не знаеме кој мистериозниот, анонимен, посебен советник на Заев, Љупчо Зафировски. Но кога истражив малку, забележав дека Зафировски основал фирма „Фортуна“ во 1999 за извоз на прехранбени производи. Подоцна основал и фирма во Струмица за трговија со земјоделски производи. Значи Зафировски нема врски со дипломатија, туку извезува во Србија и Франција во име на фирмите на Заеви. Затоа премиерот го крие договорот за негов ангажман од 1.200 евра и неговото CV“,рече Милошоски.
Тој додава дека го прашал и министерот за надворешни Никола Димитров дали го познава и дали остварил средба со него.
„Димитров одговори дека не го познава и никогаш не се сретнал со него, задоволен сум од одговорот од МНР“, дециден беше Милошоски.
