Извештајот на ЕК е петта морална победа на Македонија во однос на институционалните капацитите на земјата кои се докажани, но и веројатно пораз на кредибилитетот на политиката на проширувањето на ЕУ, бидејќи во декември може повторно да очекуваме вето од Грција, оцени денеска поранешниот министер за надворешни работи и актуелен пратеник Антонио Милошоски.
– Овој извештај е петта по ред морална победа на Република Македонија по однос на своите институционални капацитети кои се докажани, но ќе биде и петти по ред веројатно пораз на кредибилитетот на политиката за проширување на ЕУ затоа што за разлика од ЕК каде што не се одлучува едногласно во Европскиот совет овој декември може да очекуваме дека повторно ќе бидеме соочени со ветото од соседна Грција. Да не беше блокадата од соседна Грција по однос на интеграциите на Република Македонија нашата држава ќе беше членка на НАТО и ќе беше членка на ЕУ пред да бидат членки некои држави од регионот, изјави Милошоски.
Прашањето, како што вели, не е само дипломатско туку за нашата земја е и внатрешно политичко прашање кое може да ја поедностави или услужни внатрешно политичката динамика во Македонија. Соседна Грција, смета Милошоски игра токму на таа карта со блокирање на ЕУ перспективите на Македонија да се создаде дополнителен притисок за услужнување на нашите внатрешни етнополитички состојби.