Главната цел ни е невработеноста од 24 проценти да ја симнеме на 18 проценти, а тоа ќе создаде поголема перспектива за многу млади луѓе и за целата македонска економија, истакна денес од Нижеполе носителот на листа во ИЕ 5 од ВМРО-ДПМНЕ Антонио Милошоски.
-Во услови на не многу лесни економски околности изминативе десет години, сепак успеавме да ја зголемиме вработеноста за 160.000 нови работни места и затоа сметаме дека програмата „Реално“, посебно со проектите рурални развојни зони и стимулација за рестартирање фабрики жртви на транзицијата ќе успееме да создадеме нови 70.000 работни места, додаде Милошоски.