До собраниската Комисија за надворешна политика нема стасано нови предлози за амбасадори, изјави денеска претседателот на ова законодавно тело, пратеникот Антонио Милошоски.
Одговарајќи на новинарско прашање за информациите во јавноста за амбасадор во Белград, Србија, тој рече дека до Комисијата нема испратено предлог, но исто така и за други држави.
– Сега засега немаме добиено предлог на тези на амбасадор кој би одел за Белград. Се слушнаа тие шпекулации за господинот Жерновски, но последните информации говорат дека веројатно тој предлог е повлечен и дека има други заинтересирани во рамките на владината коалиција, изјави претседателот на Собраниската Комисија Антонио Милошоски.
На прес-конференција во Собранието рече дека неофицијално има информации од МНР дека се подготвува листа на амбасадори за Берлин, за Будимпешта, за Букурешт, за Берн, за Стокхолм, но дека таа се уште не е стигната до Собранието.