Сојузот за иднината изразува голема загриженост за здравстевената состојба на, како што велат, екс градоначалникот, Владимир Талески.
Оваа наша загриженост произлегува, од последните изјави дадени од него во текот на вчерашниот ден, кои покажуваат сериозни симптоми на тешки халуцинации и привиденија дека немаме програма , проекти и визија.
Најдобронамерно сакаме да го соочиме со реалноста и затоа денес ќе му ја доставиме во неговиот скапо изнајмен штаб, нашата предизборна програма, која што веќе се дистрибуира до секој граѓанин.
Оваа наша програма содржи многу повредни и што е позначајно остварливи проекти, за разлика од неговите ветени а нереализирани, собрани во најновата програма, под наслов “ИЗБЕРИ ЛАГА, ИЗБЕРИ КРИМИНАЛ“.
Сериозно и најчовечки бараме, од раководството на ВМРО-ДПМНЕ, психолошки да го припремат граѓанинот Талески за поразот кој што ќе го доживее за 11 дена.