Осудениот ексдиректор на тајната полиција, Сашо Мијалков, побарал судот да му го врати пасошот, потврдуваат од специјалното јавно обвинителство, од каде што доставиле до скопска единица негативно мислење за враќање на патната исправа.
„А1 он“ дознава дека барањето на Мијалков е за лекарска интервенција во Чешка со препорака. Од него идентични барања и порано стигнувале до СЈО. Одлука на судот за најновото барање на Мијалков сe` уште нема.
Мијалков е неправосилно осуден на три години и два месеца затвор во случајот „Титаник 2“ за изборни нерегуларности, а обвинет е во предметите „Таргет-Тврдина“ и „Трезор“ на СЈО.