Мијалков до Мицкоски: Ако не составиш влада, надмини ја суетата и понеси одговорност за поразот

Од:

Македонскиот бизнисмен и поранешен директор на УБК, Сашо Мијалков, вели дека ВМРО ДПМНЕ ги плаќа грешките на Христијан Мицкоски.

„Имаш максимална поддршка од мене да составиш влада и во судиското продолжение да го свртиш резултатот. Доколку го сториш тоа, јас ќе бидам првиот кој ќе ти честита. Доколку не успееш, тогаш ќе мора да понесеш одговорност затоа што му овозможи на СДСМ повторно да формира влада. Барањето на одговорност од тебе и твојот тим, не е напад на ВМРО ДПМНЕ. Обиди се да ја надминеш суетата. Не се поистоветувај со партијата. Не те личи. На ВМРО ДПМНЕ ќе му тргне тогаш кога ќе добие сериозно лидерство“, напиша Мијалков на Фејсбук.

Според Мијалков, доколку СДСМ би можеле да бираат, уште десет пати би го избрале Мицкоски за лидер на ВМРО ДПМНЕ.

„Ти и сите околу тебе кои се борат да останеш претседател, се тие кои што одработуваат за Заев, затоа што со тебе на чело, ВМРО ДПМНЕ никогаш нема да се врати на победничка патека, а тоа е единствено во интерес на Заев и СДСМ. Човек што разединува и не ја бара одговорноста во себе, нема лидерски капацитет“, пишува Мијалков.

Тој смета дека предизборната кампања на ВМРО ДПМНЕ не ги привлекла неопределените гласачи и кандидатите за пратеници биле лошо избрани од Мицкоски.

„Христијан грешиш, а очекувано е да грешиш кога те фаќа паника и мора да се правдаш и да смислуваш приказни за да ги оправдаш грешките.
Грешиш како што грешеше постојано овие три години . Твоите грешки, за жал ги плаќа ВМРО ДПМНЕ , а тие резултираа со два изборни порази на Претседателските и Парламентарните избори, а ги загуби и Локалните избори во Охрид и во Ново Село.

На сите овие избори, вклучително и на последните ти си тој што директно одработи за СДСМ“, напиша Мијалков.

Би можело да ве интересира

ДУИ: Мицкоски стравува од победничкиот Европски фронт

Катерина Ѓуровски

ВИДЕО: Време е за 90 пратеници и една изборна единца порача Мицкоски во промоцијата на изборната програма

Катерина Ѓуровски

Мицкоски носител на ВМРО-ДПМНЕ во „единица“, ќе ги одмери силите со Апасиев, Ковачевски и Арсовска

Орце Костов

Мицкоски: Ќе сториме се за секое дете да има учебници во школската 2024/2025 година

Мицкоски: На средбите ги објаснивме позициите на ВМРО-ДПМНЕ, главен фокус ни е интеграцијата во ЕУ, но нема да ги распродаваме националните интереси како досегашната Влада

Предраг Петровиќ

Мицкоски и Силјановска Давкова на Конгресот на ЕПП во Букурешт