Претседателот на ВМРО-ДПМНЕ, Христијан Мицкоски го повика на ТВ дуел лидерот на СДСМ, Зоран Заев.
„Јас и двете понуди за ТВ дуел со задоволство ги прифаќам, затоа што не бегам од соочување и не бегам од вистината, а Заев е тој кој е должен да одговори и да се соочи со фактите кои се одраз на вистината. За мене принципите и вредностите се тие кои треба да го движат општеството, а нема вистина без принципи. А народот ја чека вистината на повеќе прашања“, пишува Мицкоски на Фејсбук.
„Се надевам дека Заев ќе се охрабри, нема да се крие позади скапо платените спотови, зарибана пропагандна машинерија и лажните вести и ќе прифати ТВ дуел. Па народот нека процени, затоа што тој никогаш не греши“, вели Мицкоски во објавата на Фејсбук.
