Враќањето на таблите кои Заев ќе ги менува ќе бидe една од првите историски грешки кои ќе ги исправиме – порача претседателот на ВМРО-ДПМНЕ, Христијан Мицкоски во објава на социјалните мрежи. Реакцијата на Мицкоски доаѓа по вчерашната изјава на премиерот Зоран Заев дека е подготвен да се согласи на таблите на кои пишува „бугарски фашистички окупатор“ зборот бугарски да биде отстранет.
„А, јас сум подготвен, веднаш откако ќе те поразиме со народот, да ги исправиме сите твои историски и противзаконски грешки. Враќањето на таблите кои ја рефлектираат вистинската историска вистина, а Заев ќе ги смени, ќе биде меѓу првите грешки што ќе ги исправиме“ – напиша Мицкоски на Фејсбук.