Лидерот на ВМРО-ДПМНЕ, Христијан Мицкоски, се потпиша на иницијативата за поддршка на пазарџиите.
Тој беше во посета на Зелениот пазар во придружба на координаторот на пратеничката група на ВМРО-ДПМНЕ, Никола Мицевски, и разговараше со неколкумина пазарџии околу Законот за пазарите. Мицкоски им вети дека како опозиција ќе направат сѐ што можат за законот да се повлече, а не да се стопира.
Пазарџиите се жалеа дека мора да се најде начин да се спречи Законот. Ги повикаа министерот за економија, Крешник Бектеши, и другите надлежни да дојдат некој ден и да застанат на нивно место.
„Ќе му дадам на Екрем три пара ѕиври да дојде со жена и деца и да продава цел ден“, рече еден од пазарџиите.
Тезгаџиите на Зелениот пазар од вчера покренаа петиција. Тие бараат целосно укинување на Законот и изработка на ново решение. Во Собранието од понеделник ќе биде поведена постапка за одложување на примената на Законот за од 1 јануари следната година.
Галена Николовска-Ризвановиќ