Службите не постапувале по пријавите за елиминација на Христијан Мицкоски. Лидерот на опозицијата ова го изнесе пред јавноста на прес-конференција, откако претходно на социјалните мрежи кажа дека денеска сакале да го убијат.
„Се што сум добивал закани сум ги пријавил таму каде што треба. Пратеници задолжени за надзор на службите беа да видат дали се постапува. Не постапуваат. Нема повратно ништо. Не постапуваат. Немам обезбедување од МВР, обезбедувањето ми е укинато. Немам намера ни да го прифатам ако ми биде понуден. Нормално е дека сум загрижен. Страв имам од едно, а тоа е од Господ. Такви нема на земјата”, додаде Мицкоски.