Претседателот на ВМРО-ДПМНЕ, Христијан Мицкоски, по завршување на изборниот ден, посочи дека победиле а со тоа доаѓа и одговорноста. Тој се обрати на социјалните мрежи, каде се заблагодари на сите граѓани.
„Народот е определен. Надежта e родена. За секој човек во Македонија. Заеднички за новата иднина. Победа и голема одговорност! Ви благодарам народе на Македонија!“, напиша Мицкоски.
Претходно, пратеникот од ВМРО-ДПМНЕ, Миле Лефков, посочи дека партијата не ги знае резултатите, но од социјалните мрежи виделе охрабрени луѓе кои давале поддршка за партијата и нејзините кандидати за градоначалници и советници. Тој додаде и дека тие регистрирале притисоци и нерегуларности.