Лидерот на ВМРО-ДПМНЕ, Христијан Мицкоски, ја обвини власта дека ги води преговорите зад затворени врати и рече дека од медиумите дознал за нацрт-спогодбата што Македонија ја испратила во Атина.
„Водат таинствени преговори за името. Никој и ништо не знае што се случува. Сега читам дека испратиле некаква предлог-спогодба до соседна Грција која што треба да биде одговор на предлог-спогодбата што Грција на нас ни ја доставила“, рече Мицкоски.
Според него, власта тера како што замислила, а тоа, како што рече, е како побрзо да ја распродаде и уништи државата.