Да нема двосмислени прашања на референдумот, порача лидерот на ВМРО-ДПМНЕ, Христијан Мицкоски, но не одговори што мисли за референдумското прашањето кое вчера го соопшти премиерот Зоран Заев и додаде дека не го разгледале ниту во партијата.
Мицкоски рече дека треба да се однесуваат според европските вредности и принципи, а не само декларативно да се залагаме за нив.
– Тоа подразбира почитување на законите и Уставот и да спречиме било каков обид да се изигра волјата на граѓаните и да се поставуваат повеќесмислени прашања за круцијални теми, рече Мицкоски и додаде дека во партијата се уште не дискутирале за референдумското прашање.
И лидерот на ВМРО-ДПМНЕ, како и Заев рече дека за дел од прашањата имаат договор, но до следната лидерска не откриваат детали.
Галена Николовска – Ризвановиќ