Лидерот на ВМРО ДПМНЕ, Христијан Мицкоски, вечерва изјави дека доколку премиерот Зоран Заев не ја достави оставката до Собранието, новото парламентарно мнозинство нема да изгласа доверба на неговата Влада.
„Обезбедивме мнозинство кое што ќе гарантира дека оваа Влада предводена од Зоран Заев е минато“, рече Мицкоски.
Тој вели дека сепак ќе почекаат, бидејќи утре е сабота и не знае дали Собранието ќе работи за да може Заев да ја достави оставката.
На прашањето дали ќе има нови избори, Мицкоски одговори дека сите опции се отворени.
„Едната опција е да се окрупни опозицијата и да има ново мнозинството кое ќе изгласа недоверба на владата, и другата опција е да одиме на брзи парламентарни избори“, рече Мицкоски.