Мицкоски до Ковачевски откако го одби за средба: Набргу денеска на сето ова ќе му дојде крај

Од:

„Почекајте, чекор по чекор“. Ова е одговорот на претседателот на ВМРО-ДПМНЕ, Христијан Мицкоски на прашањето што мисли кога вели дека на СДСМ и премиерот Димитар Ковачевски ќе им се случи народ. Ставот на Мицкоски доаѓа откако Ковачевски одби да се сретне со опозицискиот лидер, за да договорат датум за предвремени избори. Според ВМРО-ДПМНЕ, понудата има подадена рака за единство, за кое Мицкоски смета дека Владата нема капацитет за тоа.

dobivaj vesti na viber

„Жалам што во СДСМ и Владата нема мудрост ниту државотворен капацитет. Жалам што вака постапуваат кога на народот му е потребно обединување. Од Ковачевски гледаме сѐ освен она што му е потребно на народот. Не можам да разберам, зар толку им се важни тендерите во четири очи и привилегиите кои ги уживаат? Не можам да разберам како можат денот да го започнуваат и завршуваат кога знаат дека огромно мнозинство граѓани сакаат оваа Влада да замине и огромно мнозинство македонски граѓани велат дека Македонија се движи во погрешна насока. Очекував аналитичност, Ковачевски да излезе пред медиумите, и ако се одлучил да ја одбие подадената рака од мене, тоа да го направи на отворена сцена, да не се крие позади статуси на социјалните мрежи или да испраќа непознати ликови да тоа го прават место него на прес-конференции. Во Ковачевски и Владата гледам неодговорно однесување. Набргу денеска на сето ова ќе му дојде крај“, рече Мицкоски.

Првиот човек на ВМРО-ДПМНЕ вели дека јавноста постојано ги прашува „Што правите вие? Каде сте вие? Што прави ВМРО-ДПМНЕ?“. Мицкоски на ова вели: „Одговорот на тоа прашање го дадов и вчера, а тоа е дека ВМРО-ДПМНЕ од позиција на опозиција изминативе пет години е на браникот на татковината. Така и ќе продолжиме“.

„Мораме да си ја ослободиме Македонија од овие луѓе. Затоа повикувам на обединување“, рече Мицкоски.

Претходно, откако Мицкоски упати повик за средба со премиерот Ковачевски на која ќе се договори датум за предвремени избори, тој преку Фејсбук статус му одговори.

„Јас кажав повеќе пати и пак ќе кажам, уцени не прифаќам. Ова е втор пат како Мицкоски се обидува да ме уценува, а добро знаеме како заврши првиот пат. Неговите себични политички амбиции мене не ме засегаат, туку интересот на граѓаните и државата“, напиша меѓудругото Ковачевски.

Би можело да ве интересира

Мицкоски: Власта веднаш да престане да преговара за македонскиот идентитет, јазик и историја

А1он

Митева: Доколку навистина имало хибриден напад врз државата, владата мора да понесе одговорност

Катерина Павлова-Николовска

Петков го повика Ковачевски да прифати компромис

А1он

Еди Рама: Ниту војната не успеа да ги обедини Европејците

Орце Костов

(ВИДЕО) Ковачевски: Предлогот на Франција не е прифатлив за нас

Орце Костов

Кирил Петков: Нема изгледи за укинување на ветото на овој самит

Орце Костов