Лидерот на опозициската ВМРО-ДПМНЕ Христијан Мицкоски денеска се сретна со германската амбасадорка во земјава Енке Холштајн, на која разговарале за актуелната политичка состојба, изборите и идните стратешки приоритети.
Мицкоски, како што соопшти Центарот за комункации на партијата, посочил дека врз основа на добиената доверба од граѓаните и верувајќи во принципите и вредностите кои беа елаборирани од страна на Коалицијата за обнова на Македонија, прави напори за формирање на ново парламентарно мнозинство што ќе значи зафаќање со сериозна работа за надминување на тешката криза во која се наоѓа државата.
Мицкоски на средбата истакнал дека се потребни сериозни ангажмани на сите институции во исполнување на европската агенда и напредок на патот кон интегрирање кон Европската Унија. -Владата на СДСМ не е способна да испорача резултати кои би биле препознаени од стратешките партнери од Унијата, рекол Мицкоски на средбата.
Според Мицкоски, „изборите не можат да се оценат за фер и демократски, бидејќи, како што истакнал, власта спровела низа прекршувања, поткупи и неправилности во текот на гласање со што сериозно се нарушува демократскиот фундамент на изборите, а државата доби и сериозни забелешки за изборите нотирани од мисијата на ОБСЕ“.
Претходно денеска СДСМ преку соопштение повтори дека тие ќе ја формираат новата Влада која, како што истакнаа, ќе продолжи по патот на напредокот, демократијата и правдата со уште поуспешни политики и уште подобри резултати.
-Новата Влада предводена од СДСМ не само што продолжува со успешните политики, следниот мандат се обврзува да испорача уште повеќе и уште подобри политики и мерки насочени исклучиво во интерес на државата и граѓаните, наведоа од СДСМ.
На предвремените парламентарни изборишто се одржаа на 15. месецов СДСМ освои 46 пратенички мандати, а ВМРО-ДПМНЕ 44.