Комисијата за мандатно-имунитетни прашања го разгледа барањето за притвор на експретседателот на Собранието Трајко Вељаноски од Основниот суд Скопје 1. Комисијата 2 дена расправаше по основ на точката. На крајот Комисијата со 4 гласа „за“ и 4 „против“ не му го одзеде пратеничкиот имунитет на Вељаноски.
Во извештајот стои дека Комисијата не зазема став, па прашувам, ако комисијата не зазеде став и пратениците не беа убедени дека треба да му се земе имунитетот, зошто е потребата да дискутираме по истата. Или пак која е потребата да имаме комисии кога работата се завршува тука, изјави вечерва од собраниската говорница координаторот на пратеничката група на ВМРО-ДПМНЕ, Никола Мицевски.
Со резултат 4-4 имунитетот на Вељаноски останува. Барам да се тргне точката од дневен ред. Би ве замолил добро да размислите и барањето да се тргне од дневен ред, додаде Мицевски.
Виктор Јованов