(ВИДЕО) Мицевски: Власта се изживува врз опозицијата

Од:

Координаторот на пратеничката група на ВМРО-ДПМНЕ, Никола Мицевски на седницата на Комисијата за мандатно имунитетни прашања на која се одлучува за имунитетот на пратеникот Љупчо Димовски, посочи дека во овој парламентарен состав осми пат власта бара симнување на имунитет на опозициски пратеник.

„Тешко е да се биде опозиционер со ваква власт. Пратениците добро да размислат пред да гласаат. Да му дозволиме на колегата да се брани од слобода. Не може во сабота експресно за ова да одлучуваме. Ова е претстава во отсуство на резултати. Власта се изживува врз опозицијата“, рече Мицевски.

„Колегата Димовски достоинствено присуствуваше и редовно се појавува секаде. Не знам како може да избега, ако сакал можеше и до сега. Обвинението за потешко дело ‘тероризам’ за Димовски, го почитуваше и редовно се појавуваше на сите судски процеси и рочишта. Укинувањето на имунитетот ќе биде негова неможност да се брани за слобода. Барам да преовладее свеста, за Димовски да ја докаже невиноста“, додава тој.

Мицевски смета дека Собранието се претвора, во како што вели, една монструозна институција каде пратениците си судат меѓу себе.

„Претходно исто вака земавме имунитет на колеги пратеници, па сега тие се на слобода. Одземањето на имунитетот е исто како ние да го судиме човекот“, вели Мицевски, кој додава дека ова е уште еден театар за јавноста приреден од власта оти тие немале конкретни проекти.

Кристијан Ландов

Би можело да ве интересира

Собранието го донесе Законот за медиуми и други закони

Горан Наумовски

МЗШВ: Собранието го донесе новиот закон за вино, лозарите добиваат гарантирана откупна цена на винското грозје

Нов парламентарен состав до 28 мај

Катерина Ѓуровски

Последната седница на овој парламентарен состав ќе се одржи до крајот на месецов

Не е донесен Законот за игри на среќа, постапката заврши

Катерина Ѓуровски

СДСМ предлага отворање медицински факултет во Битола, ВМРО-ДПМНЕ смета дека нема услови