Според новиот правилник кој го предложува Агенцијата за храна и ветеринарство, од крајот на месецов, месарниците нема да можат да продаваат однапред мелено месо, туку потрошувачот ќе треба сам да го одбере свежото парче месо, кое месарот ќе треба да го сомеле пред него.
Како што велат од агенцијата, веќе нема да може месото да се продава без потрошувачите да знаат што има во него. Правилникот ги обврзува продажните објекти да продаваат месо кое е декларирано и на кое јасно стојат ознаки за потеклото, рокот на траење, местото на колење и неговата обработка.