Движењето за социјална правда – ЛЕНКА, Левичарското движење – СОЛИДАРНОСТ и останати активисти-поединци, по повод наближување на Меѓународниот ден на работничката борба 1-ви Мај, прогласуваат:
МЕСЕЦ НА СОЦИЈАЛНА ПРАВДА И РАБОТНИЧКА БОРБА
Сиромаштијата е повисока од кога било порано!
– Работничките права се кршат секојдневно!
– Невработени постојано се над 30% од граѓаните!
– Класните разлики во Македонија се најголеми од сите држави во цела Европа и државите од бившиот Советски Сојуз!
– Национализмот, инцидентите и омразата станаа секојдневие!
– Политичките елити манипулираат и го ограбуваат народот!
Повикуваат да се приклучите на настаните на Месецот на социјална правда и работничка борба како и на ПРОТЕСТОТ НА 1-ви МАЈ.
Да го кренеме гласот ЗАЕДНО против социјалната неправда и против кршењето и намалувањето на работничките права, велат тие!