Мерки за претпазливост за возачот кој ја предизвика тешката сообраќајна несреќа во Кисела Вода

Од:

Основниот кривичен суд во Скопје му определил мерка забарана за напуштање на жаивеалиштето, одеземање на пасошот и на возачката дозвола на возачот кој ја предизвика тешката сообраќајна несреча во Кисела Вода во која две лица ги загубија животите, а шестмина меѓу кои и едногодишно дете се повредени. Мерките се изречени на барање на Јавното обвинителство.

Јавниот обвинител од Основното јавно обвинителство Скопје поведе посапка против осомничениот возач поради основано сомнение дека го сторил кривичното дело – Тешки дела против безбедноста на луѓето и имотот во сообраќајот од член 300 став 4 во врска со член 297 став 3 во врска со став 1 од Кривичниот законик се вели во соопштението од ОЈО.

Јавен обвинител од Основното јавно обвинителство Скопје заедно со екипа од МВР, изврши увид на самото место каде на 8 јуни 2021 година, во 23:05 часот, во Скопје, на ул. „Борис Трајковски“ се случи сообраќајна несреќа во која животот го загубија две лица. По наредба на обвинителството обезбедени се и подигнати траги од лице место, обезбедена е фото документацијата од местото на настанот, издадени се наредби за сообраќајно техничко вештачење, како и за вршење обдукција на телата на починатите. Извршени се и други проверки со цел прибирање на материјални и вербални докази за натамошно расветлување на настанот.

Според првичните сознанија на обвинителството, сега осомничениот, 25-годишен жител на с. Батинци, скопско, управувал со патничко моторно возило Хундаи Акцент по левата сообраќајна лента од улицата „Борис Трајковски“. Кога пристигнал пред крстосница, непочитувајќи ги надолжните ознаки на коловозот ( удвоена бела полна линија), започнал да врши престигнување од левата страна на патничко моторно возило Фиат Пунто кое се движело пред него. Осомничениот со престигнувањето го попречил сообраќајот од спротивната насока и при тоа се судрил со патничко моторно возило Мерцедес Е-200 . Од ударот, возилото на осомничениот се придвижило кон десно и удрило во патничкото моторно возило Фиат Пунто кое се обидел претходно да го престигнува. Возилото Мерцедес Е-200 од ударот се придвижило и отишло на коловозна лента наменета за сообраќај на возилата од спротивната насока, по што бил удрен од патничко моторно возило Фолсфаген Пасат и возило Фолсфаген Шаран и завршило со движењето удирајќи во метална ограда на блискиот тротоар.

Во сообраќајната незгода, поради тежината на здобиените повреди, на самото место животот го загубиле две лица, 28-годишен скопјанец – возачот на Мерцедес Е-200 и жител на с. Студеничани на возраст од 50 години кои управувал со возилото Фолсваген Пасат.

Јавниот обвинител од Основното јавно обвинителство Скопје поведе посапка против осомничениот возач поради основано сомнение дека го сторил кривичното дело – Тешки дела против безбедноста на луѓето и имотот во сообраќајот од член 300 став 4 во врска со член 297 став 3 во врска со став 1 од Кривичниот законик.

До надлежниот суд обвинителството поднесе предлог за определување мерки на претпазливост против осомничениот и тоа: забрана за напуштање на живеалиштето односно престојувалиштето, обврска на осомничениот да се јавува повремено на определено службено лице, привремено одземање на патна или друга исправа за преминување на државната граница и забрана за нејзино издавање и привремено одземање на возачката дозвола и забрана за издавање на нова возачка дозвола. Основниот кривичен суд Скопје со Решение ги определи предложените мерки на претпазливост на осомничениот.

Би можело да ве интересира

Скопјанец направил сообраќајка и избегал, подоцна со колата удрил полицаец и пак бегал

Жарко Настоски

ВИДЕО: Камион излета од патот и се преврте во близина на охридскиот аеродром

Кристијан Ландов

Запленета дрога вредна околу 150.000 евра, пресечен меѓународен канал, приведени пет лица

Катерина Павлова-Николовска

Загина 21-годишен возач откако со камион падна во Вардар, повреден е и совозачот

Катерина Павлова-Николовска

Приведен ресенчанец кој лажно пријавувал поставени бомби во Охрид

Жена загина на патот Прилеп-Кичево откако во неа удри „фолксваген шаран“

Ана Ололовска