Во изминтатите 50 дена од стапувањето на Саша Богдановиќ на функцијата градоначалник на општина Центар и новото општинско раководство, преземени се низа мерки за почиста животна средина.
Спроведена е голема акција за чистење на општина Центар во соработка со Град Скопје и отворен е кол центар на кој граѓаните пријавуваат отворени и опасни огнови.
Инспекциските служби на општина Центар и на Град Скопје се во засилена контрола за да се спречат сите можности за загадување и горење на гуми, отпад и останати загадувачи.
Општина Центар оваа година нема да субвенционира дрва за бадникарските огнови поради загадувањето, а средствата ќе бидат пренаменети за нови зелени површини и подобрување на условите за живот на општината.
Бидејќи начинот на греење е еден од можностите за загадување на воздухот, веќе е изработен проект и влезено е во годишниот план за работа, приклучување кон топлотната мрежа на Маџир Маало.
Во дел од градинките веќе се поставуваат прочистувачи на воздух, а истото ќе се направи и во сите основни општински училишта. И годинава, општина Центар и ЈП “ПОЦ“ ќе отворат Центар за згрижување на бездомниците. Се разгледуваат и варијантите за нови паркинг цени за стимулација на граѓаните да го користат повеќе јавниот превоз или да одат пеш.
Една од основните заложби на градоначалникот Богдановиќ и на општината е зазеленување на сите слободни површини, отворање на нови паркови и садење на нови садници.
Во наредниот период веќе се предвидени и нови мерки, како што е нов сообраќаен режим, ослободување на тротоарите, продолжува акцијата за субвенционирање на велосипеди и се предвидуваат нови велосипедски патеки и нови кровови, со нови зелени фасади.
Општината договара со Град Скопје и со централната власт да се започне со гасификација. Сето ова ќе придонесе за зголемување на квалитетот на воздухот и на квалитетот на живеење и заштита на животната средина.