Патничко возило мерцедес се преврте претпладнево на регионалниот пат Струга-Дебар, во близина на градот Струга, но нема повредени.
Како што информира портпаролот на СВР Охрид Стефан Димоски, до несреќата дошло кога возилото во кое се превезувале четворица патници излетало од коловозот и се превртело на десната страна.
Според првичните информации, најверојатно причината за незгодата е неприлагодената брзина кон условите на патот.
Увидна екипа излезе на терен, по што ќе се утврдат и точните причини поради кои се преврте автомобилот.
