Во Скопје денеска и утре ќе се одржи Меѓународната конференција за квалитет и безбедност на храна, здравје и нутриционизам – NUTRICON.
Коференцијата е во организација на Европската групација за хигиенско инженерство и дизајн (ENEDG), Иницијативата за глобална хармонизација (GHI), и Европската асоцијација за хемиски и молекуларни науки (EuCheMS), а е акредитиран од Лекарската Комора на Македонија.
На Конференцијата ќе присуствуваат повеќе од 150 научници, истражувачи, професионалци, компании, владини и невладини организации, консултанти и индивидуалци кои работат во областите на производство и преработка на храна, квалитет и безбедност на храна, исхрана, здравјето, нутриционизмот, хигиенско инженерство и дизајн, иновативни технологии, нови трендови во прехранбената индустрија, од Европа и од целиот свет.