Во организација на Хелтгрупер во Скопје денеска ќе се одржи Меѓународен самит за Проектот плаќање по учинок во здравството.
На самитот врвни меѓународни и домашни експерти ќе дискутираат за различните опции во дизајнирањето слични реформи во светот и ќе бидат пренесени меѓународните искуства од имплементирањето проекти за плаќање по успешност/учинок.
Хелтгрупер е интернет сервис за комуникација помеѓу докторите и им нуди сеопфатни информации на пациентите за докторите и здравствените установи во Југоисточна Европа. Спроведува истражувања во сите земји каде проектот е активен со цел да се направат компаративни анализи за состојбите во здравствените системи и да се унапреди квалитетот на здравствената заштита.