Меѓаши апелира до Владата веднаш да ги пушти сите деца кои се запрени на граничниот појас со оглед дека Македонија е потписник на Конвенцијата за правата на детето.
-Во врска со новонастаната состојба на грчко македонската граница, на граничниот премин Евзони – Богородица каде илјадници бегалци чекаат влез во Македонија, алармираме дека има стотици деца чиј живот е директно загрозен и под постојана опасност од непредвидливи опасности кои ги демнат во граничниот појас. Децата се во трауматична состојба и им треба итна помош.
Поради тоа упатуваме АПЕЛ до Владата на Република Македонија да обезбеди прифат на сите деца бегалци! Повторно потсетуваме дека Република Македонија е потписничка на Конвенцијата за правата на детето и со тоа таа е обврзана да обезбеди секаков вид заштита на децата, велат од Меѓаши.