Деветнаесет годишниот Е.Ц. од Теарце го загуби животот, неговата сопатничка Б.И., исто така 19-годишна од Порој, е потешко повредена, а уште тројца други се здобиле со повреди во сообраќајката што се случила утрово околу 6.30 минути на клучката по патарината Гостивар-Тетово на влезот во Тетово.
Тешко повредената е пренесена на Клиничкиот центар во Скопје, останатите тројца повредени се пуштени на домашно лекување.
Полицијата врши увид на местото на несреќата. Најверојатно автомобил изгубил контрола и се превртел, а според првичните сознанија, загинатиот и повредените се враќале од матурска прослава.