Во тепачка која настанала на улицата „Балиндолска“ во Гостивар, полицијата привела шест лица. Четири се повикани на разговор, а во меѓувреме се бараат уште неколкумина учесници.
Од СВР Тетово проверуваат дали меѓу учесниците имало и полициски службеници.
Според информациите со кои располага полицијата е дека настанот бил пријавен во 14 часот, по што на местото биле затекнати десетина лица, а биле најдени и бејзбол палки.
Едно лице во меѓувреме побарало медицинска помош поради болки во главата, а останатите немале потешки повреди.
Повод за тепачката се повеќегодишни недоразбирања на две семејства, кои кулминирале со меѓусебна нетрпеливост.