Учениците од седумте основни училишта во општина Центар на свој, креативен начин ја покажаа опасноста и како треба да се селектира и рециклира електронскиот и електричниот отпад.
На Еко маскенбалот продефилираа маски во вид на шпорети, бојлери, батерии, пегли, автомати, роботи, таблети, телевизори, фрижидери.
Децата и низ стихови и мисли го кажаа својот позитивен и јасен став дека секоја треба да се грижи за здрави и чиста животна средина. Градоначалникот Андреј Жерновски вети дека тој како градоначалник и општина Центар прават и ќе прават општина Центар да биде пример за зелена општина, а на идните генерации да им оставиме место за живеење какво што и ние сме наследиле.
Жирито во состав Андреј Жерновски-градоначалник, Јагода Јанковска-раководите на одделение за образование во општината и претставник на „Нула отпад“, која е организатор на акцијата „ Еко акција во општина Центар-исчистете го домот од опасниот опад ги избра најдобрите маски.
Андреј Ралевски со маска робот, го освои првото место и од „Нула отпад“ доби како награда скутер.
Зора Ѓоргоска со маска фрижидер како второ пласирана доби велосипед и Еве Тошевска со маска апарат за храна го освои третото место и доби таблет.