Безживотното тело во фаза на распаѓање кое попладнево беше пронајдено во водите на реката Пчиња, во атарот на селото Студена Бара е извадено и е предадено за обдукција, соопштија од обвинителството.
Оттаму најавија дека ќе се изврши обдукција и ДНК проверка и потврдија дека членови на семејството на исчезнатиот кумановец по кого полицијата трага скоро два месеци го идентификувале.
И членови на семејството на 59-годишниот кумановец потврдија дека станува збор за човекот, кој на 19 декември беше пријавен за исчезнат во СВР Куманово. По него, по иницијатива на членовите на семејството трагаа и граѓани волонтери од Куманово.