Машиновозачите во „МЖ Транпорт“ денеска на пладне го прекинаа протестот кој го почнаа пред шест дена.
Претседателот на Синдикатот Ристо Пејовски информира дека протестот е прекинат бидејќи во целост се исполнети нивните барања, односно отповикано е неговото суспендирање, вметнати се сите нивни предлози и барања во колективниот договор да нема казнени мерки кон учесниците во протестот, да се врати синдикалната канцеларија и еднаш месечно да имаат средба со раководната структура.
– Нашите барања се во целост исполнети, Со оваа состојба победници сме сите. Генерално колективот АД „Транспорт“ е победник. Дојдовме во ситуација каде што можеме да комуницираме и така да ги решававаме сите проблеми со кои секојдневно се соочуваат вработените во АД „Транспорт“. Отказот е повлечен, рече Пејовски.
Тој ја искористи приликата јавно да се извини за навредите што беа упатени до генералниот директор.
