Прилепските борци вчера го одбележаа Меѓународниот ден на мирот, марширајќи под мотото „Ветераните чекорат за мир“. Се дефилираше од Участакот до Могилата на непобедените.
Светската федерација на ветераните секоја година, традиционално, во овие денови организира насекаде во светот мировни манифестации.Сојузот на борци на Македонија како членка на Светската федерација на ветераните петта година е носител и организатор на овој Марш на мирот во нашата земја.
Ветераните упатија порака за промовирање на соживот и мир. Инцидентите беа јавно осудени со порака за заеднички живот, почитување и разбирање со сите што живеат на оваа земја.
Меѓународниот ден на мирот се празнува од 2001 година, кога Генералното собрание на Обединетите нации ја донело Резолуцијата за одбележување на Денот на мирот.
А.Ш.