СДСМ во недостаток на основи за објективна критика се обидува да користи несреќни случаи за дневна политика и за манипулација на чувствата на луѓето која на крај завршува со дополнителни разочарувања и трауми за семејствата, вели пратеникот Петар Марков од кого беше побаран коментар на партијата во врска со случајот за младата Фросина.
Марков во овој контекст, потсетува и на случаите Нешковски и Младенов чија несреќа беше со години политички злоупотребувана, додека пак Венко Филипче како и неговиот стопан Зоран Заев имаат една заедничка одлика која подразбира да не размислуваат на средствата кои ќе ги употребат, а ги ставаат во функција на одвлекување на фокусот од нивните криминали.
„Што се однесува до самиот случај, вредно е да се напомене дека дваесетгодишникот кој ја усмрти девојката, минатата година бил ослободен од притвор со одлука од судијката Даниела Алексовска Стојановска, која освен што го ослободила, како полнолетен го упатила во воспитно поправен дом“, напомнува Марков притоа констатирајќи дека тоа е всушност истата судијка која постапувала по предметот Талир 2 каде низ политичко судски притисоци беше таргетирана токму ВМРО-ДПМНЕ.